ఓ వెల్లువలా ముంచినదా .. సాగరమైన ప్రేమా

ఓ వెల్లువలా ముంచినదా .. సాగరమైన ప్రేమా 

నీ అల్లికలో మల్లిక గా  .. సువాసన పంచిన ప్రేమా 

ఇరు మనసులలో ఉక్కిరి బిక్కిరి తుంటరి ఊహే నమ్మ .. 

నునులేత  చెక్కిలి పై ఎర్రదనం ఏ సూర్యుని మహిమా .. 

ఈ గాలులలో .. ఏ గాలి మరి .. నీ శ్వాసే అవుతున్నది .. 

నా ఊపిరి లో  ఎందుకనో  నీ శ్వాసే మమేకమైనది .. 

ఏ పరిచయమో స్నేహమయి బంధం ధృఢ మవుతున్నది .. 

ఏ పరిమళమో  నాసిక తాకి  నీ సిగ లో  పుట్టానన్నదీ .. 

మనలోని అనురాగం ఏ వింత సంగీతం .. ? లేకుంటే ఈ రాగం  ప్రాణం లేనిదా సంగీతం . 

ఏ వేకువ లో మెలకువ గా మారింది ఈ ప్రేమ .. 

ఏ పున్నమి లో వెన్నెలగా  కురిసింది  ఈ ప్రేమ .. 

బతుకు నే పండుగ చేసే కళ  ఉన్నదీ ప్రేమా .. 

మనసునే మచ్చిక చేసి పాలించునీ ప్రేమా .. 

అనుభూతి తో  తెలిసే రుచి ఉన్నదీ ప్రేమా .. వివరించి చెప్పాలంటే  భిన్నమై కనబడునమ్మా ..