ఓ భర్త తన భార్య అలక ని ప్రేమగా పోగొట్టాలంటే

                                     ఓ భర్త తన భార్య అలక  ని ప్రేమగా  పోగొట్టాలంటే 
                                     

                                     చెక్కిలి ముత్యం కన్నీరా ?
                                     నా చెలి కన్నుల సెలయేరా ..
                                    ఉప్పొంగుతుంది గోదారా ..
                                    వరదల్లె మారి నను ముంచేరా ..  చెక్కిలి

                              గల గల నవ్వుల్లో వెన్నెలలే  కురిసేలా ..
                              ఆ మిల మిల కన్నుల్లో స్వప్నాలే విరిసేలా ..
                              చక చక నడకల వయ్యారం .. అరె మగువ గ మారెను నయగారం ..
                              ఇక విలవిల లాడెను నా హృదయం .. నీ  తలపులతోనే నా స్నానం
                               చినబోకే చినదానా .. మనసైనా నెరజాణ ..
                               నీ అలకే తీర్చేయనా .. మనసిస్తే ఓ లలనా ... చెక్కిలి

                              గుస గుస లాడిన ఆ నలుగురి విషయం మనదేమో ..
                              నిగ నిగ పరువం లో మెలికె పడనీ మనసయినా ..
                              నీ రుస రుస నా పైనా .. .. మిస మిస లాడే ఓ మైనా
                              నిశి మసి కన్నుల్లో .. జలపాతాలే    ఎందుకు ? తగునా ?
                              చిరునవ్వే చిరు దివ్వై .. వెలుగుతో నింపవే మది లోనా
                              చిరు ముద్దే తోలి పొద్దై .. పెనిమిటి ఆశ ని తీర్చెయ్  వా .. చెక్కిలి