ప్రకృతి ఒడిలో నేను

దూకే జలపాతం లా ఉరకాలని ఉంది ..

మెరిసే ఆ మేఘం లా కరగాలని ఉంది ..

వెలిగే భానుని మల్లే చీకట్లని తరమాలి ..

అరవిరిసే మల్లియ లా సువాసన పంచాలి ..

కూసే ఆ కోయిల లా తీయంగా పాడాలి ..

మురిసే ఆమని లాగా ప్రతి దిక్కు నీ పలకరించాలి ..

నీడ నిచ్చే మాదిరి ఇతరులకి సాయ పడాలి ..

ఎడారిలో ఒయాసిస్సులా దాహం తీర్చాలి ..

గలగలల సెలయేరల్లె నా పరుగులు ఉండాలి .

ప్రతిరోజూ పున్నమిలా వెన్నెల కురవాలి .

హేమంతపు తుషారం లా ప్రకృతి ఒడిలో ఒదగాలి .

సంద్రాన ఎగిసే అలలా నింగిని తాకాలి ..

చిరుగాలి తాకిన వెంటనే చిరుజల్లై మారాలి .

మెలికలు తిరిగే రహదారై గమ్యం చేర్చాలి ..

గగనం లో చుక్కల్లా మిరుమిట్లు గొలపాలి

పచ్చని ఆ పచ్చిక వలనే పాదాలను స్పృశిo చాలి ..

తలలూపే వరి పైరల్లే ఆకలి తీర్చాలి ..

పుష్పించే పూవుల్లోన అందం నే కావాలి ..

పరవశమే కలిగించే సంగీతం కావాలి ..

వణికించే చలిలోనా వెచ్చదనం నా తలపవ్వాలి .

ప్రతి ఒక్కరి సంతోషం లో నా వంతూ ఉండాలి ..