Wednesday, 26 March 2014

రుధిర సౌధం 104




"అదే నిజమైతే ఈ వైజయంతి బారి నుండి నా సత్యని కాపాడు అమ్మా .. " అనుకున్నాడు మనసులో మురారి .

ముందు మడుగులోకి దూకుదాం మురారి . మరోసారి ప్రయత్నిద్దాం . ఇప్పుడు మన దగ్గర క్లూ కూడా ఉంది ..

అన్నాడు యశ్వంత్ హుషారుగా .

జై వైష్ణవీ మాతా .. అంటూ మడుగులోకి దూకాడు మురారి .

మురారి వెనుకే యశ్వంత్ దూకాడు . కలువలు చూపించిన దిశ లో మట్టి ని పక్కకి తప్పించి చూశారు . కానీ

అక్కడేం కనబడలేదు . పనిలో పనిగా మడుగునంతా పరిశీలించి చూశారు . ఎక్కడా ఎటువంటి మార్గమూ కనబడ

లేదు . ఇద్దరూ నీటి పైకి తేలి యశ్వంత్ ఏం కనబడలేదు .. ఏం చేద్దాం ? అన్నాడు మురారి .

లేదు మురారి మార్గం తప్పక ఇందులో ఉండి ఉంటుంది .. మనసు చెబుతుంది మరోసారి వెతుకుదాం .

యశ్వంత్ అనగానే  మళ్ళి నీటిలో మునక వేశారు .

శివ , రచన నీటి వంక శ్రద్ధ గా చూస్తుండగా అనుమానం రాకూడదనే తలంపు తో సత్య కూడా వచ్చి వారితో

నిలబడింది .

"విధాత్రీ .. అడుగడుగునా వీరికి సహాయపడుతున్నావు . మహల్ ని నానుండి చేజిక్కించు కోవాలనే యోచన

ఇంకా నీలో ఉండటం నీ  అత్యాశ . ఈ రచన చేతినుండి ఈ రక్షదారాన్ని తొలగిస్తాను . అప్పుడే దీనిని చంపగలను ...

అనుకొంది మనసులో సత్య .

సత్య చెవిలో గాలివాటం గా కొన్ని మాటలు వినబడ్డాయి .

' ఈ అమాయకురాలిని వదిలిపెట్టు సోదరీ .. ప్రేతాత్మ గా ఇంకెన్నేళ్ళు ? మోక్షం కోసం ప్రయత్నించాల్సిన సమయం

లో శాశ్వతం కాని ఈ మహల్ కోసం పంతం కోసం పట్టుదలకి పోవటం సరికానిది . అమ్మవారి ఆలయం లో దీపం

వెలిగితే మహల్ కి పట్టిన దోషం వైదొలగుతుంది . నీకూ నాకూ ఈ మహల్ పట్టుకుని వేలాడుతున్న మరెన్నో

ప్రేతాత్మలకి ముక్తి లభిస్తుంది . నా మాట ని మన్నించు సోదరీ .. నా ప్రయత్నానికి అడ్డు నిలవకు . ఈ పసి వాళ్ళని

ఇబ్బందుల పాలు కానివ్వకు . నేను నిన్ను అర్థిస్తున్నాను .. అన్న విధాత్రి మాటలు .

గాలి కి ఎగురుతున్న కురులని అదుపులో పెడుతూ తన చెవిదగ్గర ఉన్న విధాత్రి ఆత్మా నుద్దేశించి "లేదు విధాత్రీ నీ

ఈ చిలక పలుకులని కట్టి పెట్టు . ప్రేతాత్మనే నేను కావొచ్చు గాక .. కానీ నా పంతం వీడుట నా కు సరికాజాలదు .

నా ఎదురుగా నిలిచి నా తో పోరాటాన్ని కట్టిపెట్టు . దుష్కర్మల ఫలితం నీవు , నీ పరివారము అనుభవింతురు గాక .

 మనసులోనే హెచ్చరించింది వైజయంతి .

సోదరీ .. నీవు చేసిన దుష్కర్మల ఫలితమే ఇదంతా .. ఆత్మాహుతి చేసుకున్నందున నేను ప్రేతమైనాను . కానీ దైవ

శక్తి నాకు తోడుగా నిలిచింది . సదుద్దేశం కారణంగా ఈ స్నేహితులని ఈ కార్యానికి ఎంచుకొనేందుకు అమ్మ నాకు

సాయం చేసింది . నీవు వీరిని ఇబ్బందులు పెట్టగాలవు కానీ ప్రాణాలను తీయలేవు . వీరందరూ వారి జాతక రీత్యా

ఈ పనికి ఎన్నుకోబడిన వారు . సంపూర్ణ ఆయుష్మంతులు . దైవకార్యానికి నిర్దేసింప బడిన వారు . ఈ రహస్యం

వారికీ తెలిసినచో నీ పట్ల వారికి మరింత చిన్నచూపు కలుగును కదా .. నా మాట  విని ఈ వృధా ప్రయత్నం

మానుకొమ్ము సోదరీ .. అని విధాత్రి ఆత్మ అక్కడి నుంచి నిష్క్రమించింది

ఇంకా ఉంది 







మీ అభిప్రాయం మాకు అతి విలువైనది
www.facebook.com/Naarachana

2 comments:

స్వర్ణమల్లిక said...

Mee title chusi edaina kavitva sankalanam anukunna. Rendu rojula kritam anukokunda open ayindi mee post. 103 anukunta chadiva. Ika ee two days vere panulanni vadilesi ee rudhira soudham part 1 nunchi 104 daka eka bigina chadivanu. Chaala interesting ga undi. Enta baga rastunnaro. Ivala post update avaledani konta nirutsahamga undi. Ayina Sare wait cheyadam kuda baaguntundi. I wish you all good luck andi. Maa kosam Inka Inka ennenno rachanalu cheyalani aasiatunnanu.

రాధిక said...

naa blog ki swagatam swarna mallika gaaru..naa serial meekanta baaga nachchinanduku chaala santosham. mee abhimaanam naaku marinta balaanni istundi . eeroju post pettaanandi meeru chudaledemo..105 part eeroju de,,,appudappudu date tappu padutuntundi ante.. once again thank you very much.. keep following my serial