Friday, 28 March 2014

రుధిర సౌధం 106




మడుగు లోంచి యశ్వంత్ ,మురారి ఇద్దరూ బయట కి వచ్చారు .

టవల్ తో ఒళ్ళు తుడుచు కుంటూ .. మనకి ఇప్పుడు ఫలితం దక్కక పోయి ఉండొచ్చు కానీ ఈ మడుగు లోనే

గుడి ద్వారం ఉందని నాకు బలంగా అనిపిస్తుంది మురారి .. అన్నాడు యశ్వంత్ .

అవును యశ్ .. నిరాశ పడాల్సిన అవసరం లేదు . అదేపని గా ప్రయత్నిస్తే ఫలితం తప్పక దక్కుతుంది . ..

అన్నాడు మురారి .

నిజమే కానీ గుడి ద్వారం అందులో ఉండాలి కదా . ఉంటేనే దొరుకుతుంది .. లేకుంటే ఎలా దొరుకుతుంది .

ప్రయత్నం ,సమయం రెండు వృధా .. అంది సత్య వారి వద్దకి వయ్యారం గా నడిచి వస్తూ ..

రచన ఆమె వైపు ఆశ్చర్యంగా చూసింది . ఎందుకని సత్య ఇలా మాట్లాడుతుంది . .. ఆమె మనసు బాధగా

మూలిగింది .

అదేంటి సత్యా .. అలా అనేసావు? ఇంత మందికి ఉన్న నమ్మకం నీకు లేదా ? అన్నాడు యశ్వంత్ .

మురారి ఆమె వైపు అసహనం గా .. నిస్సహాయంగా చూశాడు .

సత్య .. ఇంతకు ముందు నీకు జరిగిన ప్రమాదం మరచిపోయినట్లు లేదు . అందుకే అలా మాట్లాడుతుంది . అని

సత్య వైపు తిరిగి .. సత్యా .. ఇలాంటి మాటలు మనకి వర్తించవు . నువ్వీ టాపిక్ వదిలేయ్ ..  అన్నాడు శివ .

సత్య మౌనంగా ఉండిపోయింది .

యశ్ .. మాటలదేముంది గానీ .. ఇప్పుడెం చేద్దాం ? అన్నాడు మురారి .

మురారీ .. ఎలాగూ మధ్యాహ్నం అయింది ... భోజనాల వేళ . ఇంటికి వెళ్ళి కాస్త ఏదన్నా తిని వద్దాం .. ప్రయత్నం

మాత్రం వదిలేది లేదు .. ఏమంటావ్ ? అన్నాడు యశ్వంత్ .

ఓకే .. అయితే ఇంటికి వెళదాం .. అని ముందుకి నడిచాడు మురారి .

మంచిది . ఇప్పుడు వీరంతా ఇంటిదారి పడితే మహల్ కి రాకుండా నేనేమన్నా చేయోచ్చు .. మనసులో అనుకొంది

సత్య వికృతంగా మొహం పెట్టి .

రచన మనసు కకావికలం గా ఉంది . ఆమె అడుగులు వెనక్కి వేసి మడుగు ఒడ్డున కూర్చుండి పోయింది నిరాశగా .

ఇంటికి వెళ్ళటానికి ముందుకి నడవబోతు .. వెనక్కి చూసి .. అరె రచనా .. నువ్వెంట లా ఉన్నావు ? అక్కడే

కూర్చున్నావ్ .. ఇంటికి వెల్లొద్దా ? అన్నాడు యశ్వంత్ ఆమె వైపు వస్తూ ..

లేదు యశ్వంత్ . నా మనసెం బాగాలేదు . మీరంతా వెళ్ళండి .. నేను తర్వాత వస్తాను . అంది నిర్లిప్తం గా రచన .

రచన రాక పోవటం తో వెనక్కి తిరిగి వీరికోసం చూస్తున్న సత్య ,శివ ,మురారి లని చూసి .. మీరు ఇంటికి పదండి

మేమిద్దరం కాసేపట్లో వస్తాం . మా మేడం గారు ఎందుకో డల్ అయ్యారు .. అన్నాడు యశ్వంత్ చిరునవ్వు తో ..

సరే యశ్వంత్ .. మేము వెళ్తాం . రచన ని పట్టుకోచ్చేయ్ కలసి లంచ్ చేద్దాం . అన్నాడు శివ .

సరే .. మీరు వెళ్ళండి అన్నాడు యశ్వంత్ .

వారు ముగ్గురూ అక్కడ్నించి వెళ్ళిపోయాక .. ఏంటిరా .. నిరాశ పడ్డావా గుడి ద్వారం దొరకలేదని .. ? అని లాలనగా

అడిగాడు యశ్వంత్ .


ఇంకా ఉంది 







మీ అభిప్రాయం మాకు అతి విలువైనది ; like the posts on facebook also; www. facebook.com/naa rachana





1 comment:

స్వర్ణమల్లిక said...

Ee part kuda bagundi. 100 episodes novel laa chadivaka, Ippudu sudden break paddattu undi naa paristiti. Vipareetamaina daahamto gontu endina vadiki garitedu neeru dorikinattu undi. Migata story anta okasari chadavalani tapatrayam. Baga rastunnaru meeru. Interesting narration.