Tuesday, 1 April 2014

రుధిర సౌధం 108

లోపలంతా నీటితో నిండి ఉన్న సొరంగ మార్గమది . యశ్వంత్ ,రచన భుజాలకి మించి నీళ్ళు నిండి ఉన్నాయి .

యశ్వంత్ .. ఇదంతా చూస్తుంటే ఇదో పెద్ద సొరంగ మార్గం లా ఉంది . ఇంత సీక్రెట్ గా అమ్మవారిని ఉంచారంటే నాకు

ఆశ్చర్యంగా ఉంది .. అంది రచన ఉద్వేగాశ్చర్యాలకి లోనై .

అవును రచనా .. కానీ నాకు చాలా సంతోషం గా ఉంది . మనం ఈ మార్గాన్ని కనుగొన గలిగాం .. హుషారుగా

అన్నాడు యశ్వంత్ .

ఇలా నీటిని ఎదురీదటం కష్టం గా ఉంది . కానీ మనం కొంచెం ముందుకి వెళ్ళాలి యశ్వంత్ .. ముందుకి అతికష్టం

మీద సాగుతూ అంది రచన .

గుడిని మనం కనుగొనగలిగితే ఏ కష్టాన్ని అయినా ఎదిరించగలం రచనా .. నువ్వు నా చేతిని పట్టుకొని పద

ముందుకి .. అని ఆమె చేతిని అందుకొని ముందుకి సాగాడు యశ్వంత్ .

అలా అతికష్టం మీద ముందుకి నడిచిన వారికి ఎదురుగా కనిపించిన దృశ్యం చాలా ఆనందాన్ని కలగ జేసింది .

యశ్ .. అదే కదూ గుడి ముఖ ద్వారం .. ఆనందం తో గట్టిగా అరచింది రచన .

ఎస్ .. రచనా .. మనం సాధించాం . అదే కావొచ్చు .. అని రెట్టించిన ఉత్సాహం తో ఆ పాత రాతి ముఖద్వారాన్ని

చేరుకొని సంతోషంగా దాన్ని తాకి .. రచనా .. వీటి మీద ఉన్న శిల్పాలు చూడు .. ఎంత అద్భుతం గా ఉన్నాయో ..

అన్నాడు అబ్బురంగా వాటిని చూస్తూ యశ్వంత్ .

అవును యశ్ .. నాకు అసలు సంతోషం తో మాట రావటం లేదు . ఇప్పుడు  చాలా  సంవత్సరాలుగా ఈ

భూ నివాసం లో ఉన్న అమ్మవారిని  ఇన్నాళ్ళకి చూడబోతున్నాను అన్న సంతోషం ముందు ఇంకేదైనా

దిగదుడుపే యశ్వంత్ . అంది రచన .

అతడు సంతోషం తో ఆమె ని గుండె కి హత్తుకున్నాడు . రచనా .. మనం అనుకున్నది సాధించగలిగి నందుకు

ఏంటో సంతోషం తో కూడా గుండె బరువెక్కి నట్లుంది అన్నాడు యశ్వంత్ .

ఇదంతా నీవల్లే యశ్వంత్ . ... నువ్వు లేకపోతె ఏదీ సాధ్యం అయ్యేదే కాదు . కొన్ని తరాలకి దక్కని అదృష్టం ఇది .

మనం ఇంత వరకు రాగలిగం . ముందు నేను అమ్మవారిని చూడాలి యష్ .. లోపలికి వెళ్దాం . అంది రచన .

ఊ.. తప్పకుండా .. పద .. అని ఆమె చేతిని పట్టుకొని నీటిలో మునిగి ఉన్న మెట్లని ఎక్కి ఆలయ ప్రాంగణం లోకి

చేరుకున్నారు ఇద్దరు .

ఆలయం గర్భగుడి ద్వారం మూసి ఉంది . కానీ దానికి తాళం ఏదీ పెట్టి లేదు . ఎర్రని లావుపాటి దారం తో ఎవరు

ఆలయద్వారం తెరవ కుండా కట్టి ఉంచారు .

రచనా .. నేను తలుపు తెరుస్తాను .. అని ఆ దారాన్ని విప్పేందుకు తాకాడు యశ్వంత్ . అంతే ... కరెంటు షాక్ కొట్టి

నట్టు అల్లంత దూరం లో ఎగిరిపడ్డాడు . అతడు నీటి లో అంత బలంగా పడటం తో గట్టిగా చప్పుడైంది .

ఆ హటాత్ పరిణామానికి విస్తుపోయి .. యశ్ .. అంటూ పరుగున యశ్వంత్ దగ్గరికి వచ్చింది రచన .

ఇంకా ఉంది












మీ అభిప్రాయం మాకు అతి విలువైనది
www.facebook.com/Naarachana

1 comment:

స్వర్ణమల్లిక said...

Abba correct time lo break chesaru... mallee repati daka wait cheyali.