వాళ్ళు లోపలకి వెళ్ళటం చూసాను . మహల్ నుంచి బయటకి రాలేదు . కానీ మనకి మాత్రం బయట ఉన్నట్లు గా
కనబడ్డారు .. అదే విచిత్రం గా ఉంది అన్నాడు యశ్వంత్ .
ఆలోచిస్తే ఏదో జరిగిందనే అనిపిస్తుంది .. తేల్చుకుందాం కానీ ఈ విషయం కోసం మురారి ,సత్యలతో ఎక్కువ
మాట్లాడకపోవటమే మంచిది అంది రచన .
హమ్మయ్య .. నువ్వు నమ్మావు అది చాలు .. సారీ రా .. అనవసరంగా నిన్ను కొట్టాను అన్నాడు యశ్వంత్ .
నో యశ్ .. నీ పరిస్థితి లో నేనున్నా అలానే చేసేదాన్నేమో . నిన్ను తప్పుగా నేనెలా భావించానో అర్థం కావటం లేదు .
పాపం మురారి కుడా అన్నాడు యశ్వంత్ తప్పు చేయడు .. యశ్వంత్ ని నమ్ము అని .. అంది రచన .
అవునా ? అన్నాడు ఆశ్చర్యం గా శివ .
అవును శివా . అంది రచన .
యశ్ .. అయితే మనం చూసింది ఖచ్చితంగా నిజమే . యశ్వంత్ తప్పు చేయడు అని మురారి చెప్పటంలో మన
కేదో హింట్ ఇచ్చాడని పిస్తుంది . మురారికి కూడా అంతా తెలుసు కానీ మన దగ్గర నిజం ఎందుకు దాచాడు ?
అన్నాడు శివ
అవును శివ .. ఏదో జరగటం మాత్రం నిజం .. అన్నీ బయటకి వస్తాయి . ముందు మనం ఇంటికి వెళదాం ..
ఆగు యస్వంత్ .. ఇందాక మహల్ కొచ్చినపుడు గమనించాను . మేము సాయంత్రం మండపం లో పూలని అందం
గా అలంకరించామ్ . కానీ ఇప్పుడు పూలన్నీ చిందరవందరగా పడున్నాయి . నేను సత్య ని అడిగాను కూడా .
సరదాగా పూలతో ఆడుకున్నాం అని చెబుతోంది . కాని నాకు గుర్తుంది . సత్య కి ,మురారికి ఇద్దరికీ పూలంటే
చాలా ఇష్టం . అవి వాడిపోవటమే భరించలేరు అలాంటిది .. అలా వాటిని చిందరవందర గా కాళ్ళకింద తోక్కేస్తారా ?
సొమెథింగ్ రాంగ్ .. వాళ్ళిద్దరూ మన దగ్గర ఏదో దాస్తున్నారు .. అంది రచన .
అవును అదేంటో తెలుసు కోవటానికి మనమే ప్రయత్నించాలి . ముందు నిద్ర పోవాలి . రేపు ఉదయాన్నే మహల్
వెనక ఉన్న మడుగు ని సోదా చేయాలి . గుడి గురించి తెలిసిందంటే మన ముందున్న అన్ని ప్రశ్నలు గాలి
బుడగలలా తేలిపోతాయి . అన్నాడు యశ్వంత్ .
అవును యస్వంత్ .. ముందు ఈ మహల్ కి పట్టిన దెయ్యాన్నైతే వదిలించాలి అన్నాడు శివ .
పదండి ఇంటికి వెళదాం . అంది రచన .
ముగ్గురూ ఇంటిదారి పట్టారు
ఇంకా ఉంది
మీ అభిప్రాయం మాకు అతి విలువైనది
No comments:
Post a Comment