రుధిర సౌధం 111

యశ్వంత్ మనసులో కలవర పడ్డాడు . రచన ఈమధ్య ఎందుకు ఆలోచించలేక పోతోంది .. అతడు తల

పట్టుకున్నాడు .

కానీ తాతా .. నాకు స్వయంగా సరస్వతే చెప్పింది తను మీ బంధువుల ఇళ్ళకి ఆ పదో రోజు కార్యక్రమానికి పిలవ

డానికే వెల్తాఅని  .. ఇదంతా మీ ప్రాంతం కదా .. నిజమే అయుంటుందని నేనూ ఒప్పుకున్నాను .. అంది రచన

కాసింత కంగారుగా .

లేదమ్మా .. సరస్వతి తెలిసి తెలిసి ఏ తప్పూ సేయదమ్మ . నా బిడ్డ ఏ పెమాదం లోనో పడలేదు కదా .. అతడు కళ్ళ

నీళ్ళు పెట్టుకున్నాడు .

తాతా .. సరస్వతికి ఏం కాదు .. నువ్వేం భయపడకు .. ఆమె ఎక్కడున్నా ఆమెని నీకు అప్పగించే బాధ్యత మాదే ..

సరేనా ? అన్నాడు యశ్వంత్ కల్పించుకొని .

అలాగే నయ్యా .. నా మనవరాలిని నాకు అప్పగించండయ్యా .. అన్నాడు సరస్వతి తాత .

అలాగే నువ్వు వెళ్ళు తాతా ... అన్నాడు యశ్వంత్ . అతడు కళ్ళు తుడుచుకొని వెళ్ళిపోయాడు .

మాన్పడి పోయి నిలబడిన రచన ని చూసి .. రచనా .. అని పిలిచాడు యశ్వంత్ .

అతడి పిలుపు కి ఉలిక్కిపడి .. ఇప్పుడు ఈ సమస్య ఏంటి యశ్ .. నాకేం అర్థం కావడం లేదు .. అంది రచన .

అన్నీ తెలిసి కూడా నువ్వెందుకు ఇలాంటి తప్పు చేసావు రచనా .. నువ్వు ,సత్యా ఆమెని తీసుకువెళ్ళారు .. తిరిగి

మీరే తీసుకురావాలి కదా .. అది మీ బాధ్యత . ఇప్పుడు సరస్వతి కనిపించడం లేదంటే మొట్ట మొదటి ప్రశ్న మీ

మీదకే బాణం లా దూసుకు వస్తుంది నీకది తెలియదా ? అసహనం గా అన్నాడు యశ్వంత్ .

నిజమే యశ్వంత్ .. కానీ నేను సరస్వతి ని నమ్మ్మాను .. కానీ నాతో అబద్ధం చెప్పి వెళ్ళాల్సిన అవసరం ఏముంది

సరస్వతికి ? ఎందుకని నాతో అబద్ధం చెప్పుంటుంది ? ఆందోళన గా అంది రచన .

నువ్వేం వర్రీ కాకు .. ఆలోచించి అడుగేద్దాం .. ఇంతకీ వాళ్ళ బంధువుల ఇళ్ళు ఎక్కడున్నాయని చెప్పింది ?

అన్నాడు యశ్వంత్ .

స్టేషన్ కి దగ్గరలో అని చెప్పింది . ఆరోజు సత్య వేల్లనీలే అనేసరికి నేనూ ఒప్పుకోవాల్సి వచ్చింది .. అంది రచన .

ఆపైన బర్త్ డే ఏర్పాట్లు .. వెరసి ఈ సమస్య మన ముందుకి వచ్చింది .. ఒక్క విషయం మాత్రం అర్థమవుతుంది ..

నీతో సరస్వతి అబద్ధం చెప్పింది .. కావాలని .. చెప్పింది .. ముందు అక్కడికి వెళ్ళాలి . ఈ తాత ని కూడా పట్టుకేల్దాం

ఎవరు అక్కడ బంధువులో తెలుసుకుందాం .. సరేనా ? అన్నాడు యశ్వంత్ .

ఏంటో యశ్వంత్ .. గుడి కనిపించిందన్న సంతోషం అంతా ఎగిరిపోయినట్లు అనిపిస్తుంది . అంది రచన నిరాశ గా .

అవును .. కానీ ముందు మనం సరస్వతి విషయం తేల్చుకోక పొతే మరో పెద్ద సమస్యలో పడిపోతాం రచనా ..

అది మన లక్ష్యానికి అడ్డుకావోచ్చు .. అన్నాడు యశ్వంత్

ఇంకా ఉంది 





మీ అభిప్రాయం మాకు అతి విలువైనది