Wednesday, 9 April 2014

రుధిర సౌధం 115



భోజనాల కార్యక్రమం పూర్తి కాగానే విశ్రాంతి కి తావివ్వకుండా సరస్వతి విషయం కనుక్కునేందుకు బయలు దేరారు
శివ ,యశ్వంత్ ,మురారిలు .

వెళ్తూ వెళ్తూ .. సత్య కి కొంచెం ఒంట్లో బావుండలేదు తోడుగా ఉండమని చెప్పటం తో ఇష్టం లేకపోయినా సత్య తో

పాటే ఆ ఇంట్లో ఉండిపోయింది రచన .

వాళ్ళు వెళ్ళాక రచన ఏమైనా తనతో మాట్లడుతుందేమోనని చూసింది సత్య .

కానీ ఏమీ మాట్లాడకుండా సత్య ఉన్న గది పక్కనే ఉన్న గదిలోకి వెళ్లి తలుపు వేసేసుకుంది రచన .

హు .. కోపమే .. ఫర్వాలేదు . మీ మథ్య అంతరాలు కోసమే నా ఆరాటమంతా .. అని నవ్వుకొంది సత్య లో ఉన్న

వైజయంతి .

తలుపులు వేసుకొని గదిలో కి వెళ్ళిన రచన కి అలా ప్రవర్తించటం కూడా ఎందుకో బాధగా అనిపించింది . గోడకి

తలని ఆనించి ఆలోచిస్తూ ఉండిపోయింది .

ఎందుకు సత్యా ... అలా మాట్లాడావు నువ్వు ? నీతో మాట్లాడకుండా ఉండటం కూడా కష్టం గా ఉంది నాకు . కాని

నేనీ మాత్రం కోపం చుపించకుంటే మళ్ళి మరోసారి నువ్వు నాతో ఇలా మాట్లాడవని నమ్మకం ఏమిటి ? నువ్విలా

నాతొ ముభావం గా ఉండటం , ఆ సరస్వతి విషయం లో ఇలా సమస్య తలెత్తడం వల్ల ... అయ్యో .. గుడి

కనిపించిందన్న సంతోషాన్ని పంచ్వ్హుకోలేక పోయాను . పాపం ఈ సమస్య వల్ల యశ్వంత్ కూడా శివ , మురారిలకి

ఈ విషయం చెప్పనే లేదు . పోనీ జరిగినదంతా మరచి పోయి సత్య తో ఈ విషయం చెప్పేస్తే .. గుడి కనిపించదనే

కదా సత్య నాతో అలా మాట్లాడింది .. ఇప్పుడు తన అంచనా తప్పైందని చెబితే తనే అర్థం చేసుకుంటుందేమో ..

అనవసరం గా సమస్యలని పెంచుకోకుండా అపార్థాలని తొలగించుకోవటమే మంచిది . అయినా చిన్నపిల్లల్లా ఈ

కోపాలేంటి ? నో .. నేనే వెళ్లి సత్య తో మాట్లాడతాను . అని గది తలుపుల్ని తీసి బయటకి చూసింది రచన .

హాలు లో కనపడలేదు సత్య .

అయినా ముందు ఎలా మాట్లాడాలి .. తను గదిలో ఉన్నట్లుంది . ఏ సాకు తో తన గదిలోకి వెళ్ళాలి ? ముందు తన

మూడ్ ఎలా ఉందో గమనించాలంటే తన గదికి వేల్లాల్సిందేగా .. అనుకొంది రచన

అప్పుడు గుర్తొచ్చింది రచన కి సత్య గదిలో అడ్డం ఉంది . మొహం కడుక్కొని ఫ్రెష్ అవటానికి వెళ్తే సరి .. అని హాలు

లో మండువా లో ఉన్న బకెట్ లో నీటితో మొహం కడుక్కొని దండెం మీదున్న టవల్ తీసి మొహం

తుడుచుకుంటూ వెళ్లి వేసిఉన్న సత్య గది తలుపుల్ని ముందుకి తోసింది .

లోపలున్న సత్య .. ఏమిటన్నట్లు సీరియస్ గా చూసింది .

అంత సీరియస్ గా చూడాలా .. అని అనుకుంటూ అద్దం దగ్గరికెళ్ళి జుట్టు దువ్వుకోసాగింది రచన .

సత్య  ఆమె వైపు చూసి పట్టించుకోనట్లు ఏదో పుస్తకం చదువుకోసాగింది .

తన తలని దువ్వుకుంటూ సత్య ఏం చేస్తుందా అని అద్దం లోంచే సత్యని చూసిన రచన అవాక్కయింది ..

ఒక భయంకర ఆకారం పుస్తకం చదువు తున్నట్లు కనపడింది ఆమె కి .. ఆమె కళ్ళు భయం తో పెద్దవయ్యాయి .

ఇంకా ఉంది 










మీ అభిప్రాయం మాకు అతి విలువైనది

2 comments:

స్వర్ణమల్లిక said...

Abbo Idi uhinchani malupu. Bagundi.. inkonchem ekkuva rayachu kadandee. Maree short gaa undi ee episode.

రాధిక said...

idi blog serial kadandi kalyani garu..

alaane untundi. ainaa nenenta raasinaa inkaasta raaasunte baavunnani pinchatam sahajam.ainaa

wait cheyadam lo majaa untundani meere annaru kadaa..
lets wait for the next...