Friday, 11 April 2014

రుధిర సౌధం 117



ఇంట్లో ఎటువంటి సవ్వడి వినబడక పోయేసరికి మెల్లిగా బయటకి వచ్చి తొంగి చూసింది సత్య .

హాలులో ఎవరూ కనబడలేదు . ఏమైంది ఈ రచన అని రచన్ గది తలుపులు తీసి చూసింది అక్కడ ఎవ్వరు లేక

పోయే సరికి  ఎక్కడకి పోయింది ఇది ? అని ఇల్లంతా వెదికి చూసింది వైజయంతి (సత్య ).

రచన కనబడక పోయేసరికి ఇది ఎక్కడికో పోయింది ఉన్నట్టుండి .. ఎక్కడకి అయుంటుంది ? ఇంట్లో ఎవ్వరూ లేరు

వాళ్ళు నాకు తోడుగా ఉండమని చెప్పినా బయటకి వెళ్లిందంటే .. ఏదో ఉంది .. అది ఎక్కడకి వెళ్లిందో తెలుసు

కోవాలి  .. అదేం చేస్తుందో తెలుసుకొని తీరాలి .. అనుకొన్న వైజయంతి .. వికృతంగా నవ్వింది .

కాసేపు నీ శరీరాన్ని వదిలి పెడుతున్నాను సత్యా .. అని సత్య శరీరం లోంచి ఓ పొగలాంటి ఆకారం బయటకి

వచ్చింది . ఆ ఆకారం బయటకి రాగానే వడలిపోయిన తోటకూర కాడ లా కింద పడిపోయింది సత్య శరీరం . స్పృహ

లేని ఆమె జీవచ్చవం లా నేల మీద పది ఉంది .. వైజయంతి ప్రేతాత్మ రచన ని వెదక డానికి గాలిలో కలసి పోయింది .                                        
                                          *********************************

జీప్ ని ఎంత ఫాస్ట్ గా డ్రైవ్ చేస్తున్నా ఎక్కువ వేగం తో వెళ్ళకుండా రచన సహనానికి పరీక్ష పెడుతుంది .

అయ్యో .. నేనెంత త్వరగా వీలుంటే అంత త్వరగా చెప్పాలి యశ్వంత్ వాళ్ళతో .. కానీ ఈ జీప్ నడవటమే లేదు

సరిగ్గా .. విసుగ్గా అనుకొంది  రచన డ్రైవ్ చేస్తూనే . ఆమె మనసు ఆందోళన గా ఉంది .

కొంచెం దూరం వెళ్ళాక ఎదురుగా నడుచుకుంటూ వస్తున్న మురారి ని చూసి ఆశ్చర్యంగా జీప్ స్లో చేసింది రచన .

అతని మొహం లో కంగారు ప్రస్ఫుటంగా కనబడుతుంది . నడక లో వేగం అతని మది లో కలవరాన్ని సూచిస్తుంది .

మురారీ .. మురారి ఒంటరిగా వస్తున్నాడు ఏంటి ? అని మనసులో అనుకొంది రచన .

ఎదురుగా జీప్ లో వస్తున్న రచన ని చూసి మురారి కూడా అంతే ఆశ్చర్యం గా చూశాడు . ఈలోపు జీప్ మురారి

దగ్గరకి వచ్చి ఆగింది .

ఆమె ని చూస్తూనే రచనా .. నువ్వు బాగానే ఉన్నావు కదా .. కంగారుగా అడిగాడు మురారి .

మెల్లగా తల ఊపి .. నువ్వేంటి ఒంటరిగా వస్తున్నావు ? అనుమానం గా అడిగింది రచన .

అదీ .. నేను యశ్వంత్ వాళ్ళతో బయల్దేరాను గానీ .. సత్య కి ఒంట్లో బాగాలేదు అంది కదా .. తనని విడిచి పెట్టి వెళ్ళ

బుద్ధి కాలేదు . అందుకే యశ్ వాళ్ళతో చెప్పి మధ్యలో దిగిపోయాను .. తడబడుతూ చెప్పాడు మురారి .

అంతేనా మురారి ? అయితే నేను కనిపించగానే సత్య ఎలా ఉంది ? అని అడగలేదు నువ్వు ? రచనా నువ్వు ఎలా

ఉన్నవని  అడిగావు ... ఎందుకని ? ఆవేశం గా ప్రశ్నించింది రచన .

రచనా .. అది .. నువ్వు .. ఇంట్లో ఉండాల్సిన దానివి .. ఒక్కసారి బయట కనబడే సరికి అలా అడిగేశాను .. సత్య

ఎలా ఉంది ? బాధ ని దిగమింగుకుంటూ అన్నాడు మురారి .

ఇంకా ఎందుకు మురారీ దాస్తావు ? ఇదంతా నావల్లేగా .. నీకు నా మీద కోపం రావటం లేదా ? నావల్లెగా సత్య కి

ఈ దుస్థితి ? కన్నీళ్ళతో అంది రచన .

రచనా .. ఏం మాట్లాడుతున్నావ్ నువ్వు ? గాబరాగా అడిగాడు మురారి .

మురారి .. ఇంట్లో ఉంది సత్య కాదు వైజయంతి .. నాకు తెలిసి పోయింది .. నాకు తెలిసి పోయింది మురారీ ..

ఏడుస్తూ అన్నదామె .

నీకు ... నీకెలా తెలిసింది ? భయంగా తడబాటు తో అడిగాడు మురారి

ఇంకా ఉంది 



మీ అభిప్రాయం మాకు అతి విలువైనది

2 comments:

స్వర్ణమల్లిక said...

Adentandi aadivaram update avvadu annaru gaani ippudu sanivaaram kuda selavu puchesukunnara... Meeru daily raastene inta tension ga undi. Ade weekly ayte naaboti galla pani emayi poyedo..

స్వర్ణమల్లిక said...

Radhika garu.. Emainaa functions attend cheyadamto busy ga unnara... Rendu rojula episodes okasari post cheseyandi. Maati maatikee vachi chusukuntunna update chesara leda ani.