Wednesday, 23 April 2014

రుధిర సౌధం 128




యశ్వంత్ మాటలకి విస్తుపోయి చూసారంతా ..

ఓ క్షణం భూపతి కి కూడా పరిస్థితి అర్థం కాలేదు . శివ కూడా అయోమయంగా చూసాడు యశ్వంత్ కేసి ..

ఏంటి ఆశ్చర్యంగా ఉందా మీ అందరికి ? ఆ మహల్లో ఉండ వద్దనే హక్కు మీకెవరి కైనా ఉందా ? లేదు కదా .. ఇక

నుంచి నిజాలు బయట పడేవరకు మేము అక్కడే ఉండబోతున్నాం . మీకందరిక్ పూజ్యనీయులైన భూపతి నీడ

మాకు అవసరం లేదు . కానీ ఈ విషయం  లో  దోషి ఎవరన్నది మీకు తెలిస్తే ఈ శిక్షే వారికీ విధిస్తారా ? చెప్పండి

అన్నాడు యశ్వంత్ .

జనాల్లోంచి ఒకరు ఆ .. అలాగే .. అదే న్యాయం అన్నాడు .

అందరూ అతడితో ఏకీభవించారు .

వేరి గుడ్ .. కౌంట్ డౌన్ మొదలయింది భూపతి గారూ .. సిద్ధం గా ఉండండి .. అని శివ వైపు తిరిగి పద శివా ..

అన్నాడు యశ్వంత్ .

మౌనం గా యశ్వంత్ ని అనుసరించాడు శివ .

భూపతి ఆలోచన లో పడ్డాడు .

                                      *****************************************

రచన  అడుగులు మెల్లిగా నేమ్మదించాయి . చుట్టూ చీకట్లు లేతగా పరచుకుంటున్నాయి .. ఆమె అలసట తో ఓ

చెట్టు కానుకొని నిలబడింది . ఆమె కళ్ళ ముందు స్వచ్చంగా నవ్వే సత్య మొహం కదలాడింది .. మురారి కళ్ళ లోని

బాధ కనబడింది . ఆరోజు రాత్రి యశ్వంత్ తనని మందలించడం మెదిలింది .

యశ్వంత్ .. నువ్వు ఆరోజు చెప్పింది నిజం .. మహల్ నాది అన్న గర్వం ప్రవేసించిందేమో .. సత్య కలాంటి సలహా

ఇచ్చాను .. ఇప్పుడు నేను ఆ తప్పు కి శిక్ష అనుభవించటం లో తప్పు లేదు .. కానీ సత్య ఏం చేసింది . ఆమె ఆత్మ

లోలోపల ఎంత క్షోభిస్తుందో .. ఈ పరిస్తితులన్నింటికి నేను కారణం అని తెలసీ కూడా మురారి ఇలాంటి పరిస్థితి

లోను ఎంత ఉన్నతం గా ప్రవర్తించాడు .. ? లేదు .. ఏమైనా సరే .. నేను ధైర్యం కోల్పోయే సమస్యే లేదు ..

వైజయంతి ని ఎదిరించి తీరతాను .. సత్యని కాపాడి తీరతాను .. ఎంత కష్ట మైనా సరే .. ఆమె మనసు లోనే

ధైర్యాన్ని కూడదీసుకుంది .. లేని ఓపిక ని తెచ్చుకుని ముందుకి నడవటం ప్రారంభించింది రచన .

ఎంత నడుస్తున్నా దూరం తరగని ఆ బాట ఆమె లో ధైర్యాన్ని మాత్రం సన్నగిల్లేలా చేయలేకపోతుంది .. కానీ

ఎందుకో అలసట తో ఆమె శరీరం ముందుకి సాగటానికి సహకరించక పోవటం తో దారికి ఓ పక్క గా నేల పై కూలి

పడి ఉన్న ఓ వృక్షం మీద మేను వాల్చింది రచన .

(ఇంకా ఉంది )





మీ అభిప్రాయం మాకు అతి విలువైనది

2 comments:

స్వర్ణమల్లిక said...

Mee narration ki suit ayye pictures elaa dorukutayi meeku. Chalaa baagunnayi pics. Chandamama kadhalaa undi mee kadha.

రాధిక said...

good question kalyani garu.. kani ee prasna ki chalamandiki samadhanam cheppanu..

ela ani adugutunnaru..ae katha kainaa pictures adanapu atrraction avutaatayi.. veetikosam chala time vechchinchanu net lo; anyways naakaite falitam dakkindi; evaro nakosame konni pictures geesarani pistundi; ledante antaa god grace ainaa ayundali; alaa ane samaadhanam cheppagalanu.. kani ippatiki konni sannivesaalaki pics dorakatam ledu ;kani meelaa ilaa adigina prasnaki samadhanam cheppatam naku aanandam kaligistundi.. tappaka fallow avandi ;thank you for your comment