Powered By Blogger

Tuesday, 22 April 2014

ఎడబాటు



క్షణమొక  యుగమవుతుందంటే నమ్మలేదు ..

నీకోసం ఎదురుచూస్తుంటే అర్థమవుతుంది ..

యుగమొక క్షణం కాగలదంటే ఎలా అనుకున్నా ..

నీతో గడిపిన జ్ఞాపకాలు తెలిపాయి కాలమెలా గడచిపోయిందో ..

మనసు లోతుల్లో  బరువు ఎడబాటు భారం అని తెలిసి ..

ఆ భారాన్ని మోయలేని మనసుకి సర్ది చెబుతున్నా ..

ఈ దూరం తరిగిపోయేదే అయినా .. తేలికగా తీసుకోలేకున్నా ..

ఆకాశం ఆవలి అంచున మెరిసే మేఘాన్ని అడుగుతున్నా ..

కాస్త నీ క్షేమాన్ని తెలపమని ..

నా ఎదురుచూపులన్ని తనపై చిరు చినుకుల్లా కురిపించమని ..

రాత్రైతే నింగిన చుక్కలతో మాట్లాడుతున్నా ..

నీ నవ్వుల తళుకు ని  వాటిలో  చూప మని ..

నిను చూపలేని కనులని తిడితే కలలో నువ్వొస్తావని చెప్పాయి ..

నీ  మాట వినలేని వీనుల నడిగితే చిరుగాలి తో కబుర్లు వస్తాయన్నాయి ..

ఏమో నీ సామీప్యం కన్నా గొప్ప ధైర్యం ఈ లోకం లో నాకేది ఇస్తుంది ?






మీ అభిప్రాయం మాకు అతి విలువైనది

2 comments:

gajula sridevi said...

నీ ఆలోచనలకన్నా గొప్ప చైతన్యం ఏమిస్తుంది నాకు .........బాగుంది రాధికా........

రాధిక said...

థాంక్ యు శ్రీదేవి గారు .. మీ కామెంట్ కన్నా బలం నాకు ఏమివ్వదండి .. మనలో ఎంత కళ ఉన్నా కాసింత ప్రోత్సాహం లేకపోతె ఆ కళ అణగారి పోదా ?