రుధిర సౌధం 141

అతడి వెనుక పరుగుతీశారు మురారి ,శివ .

గోడ మీద పడుతున్న నీడలకి ఆపోజిట్ గా వెళ్లారు . తడికలతో ఆ ప్రాంతం అంతా కంచె లా కట్ట బడి ఉంది . గడ్డి

మోపులు వెనుక ఏవో మాటలు వినిపించటం తో ఆ గడ్డి మోపుల వెనుకన నక్కి వినసాగారు .. మాటల ను బట్టి

అక్కడ నలుగురు ఉన్నారు .. వారితో పాటు ఓ స్త్రీ .. పెనుగులాడుతూ .. నన్ను వదిలేయండి .. అంటూ

ప్రాధేయపడుతుంది .

యశ్వంత్ .. ఆమె కొంపదీసి సరస్వతి కాదుగా .. మెల్లిగా అన్నాడు శివ .

అయ్యుండొచ్చు శివా .. అన్నాడు యశ్వంత్ ..

ముందు వారెం మాట్లాడుకుంటున్నారో విందాం .. అన్నాడు మురారి .

దయచేసి మా తాత ని ఏం చేయమాకండి .. మీరు చెప్పినట్టే సేత్తాను అంటున్న దామె .

ఈరాసామీ .. ఈ పిల్ల నిజం సేప్పకూడదు .. ఆ పట్నామోల్ల మాటల బట్టి దీన్ని ఎక్కడ పెట్టామో తెలిసి పోనాదేమో

అని అనుమానం .. ముందు స్థలం మార్చాలే .. అంటున్నాడు ఒకతను .

యశ్ .. అవి బాలయ్య మాటలు .. ఆమె తప్పని సరిగా సరస్వతే .. అన్నాడు శివ .

ఇడియట్స్ .. దొరికారు వెధవలు అన్నాడు మురారి .

మురారీ తొందర పడకూడదు .. అవకాశం కోసం వేచి చూద్దాం .. సరస్వతి ని వీళ్ళెం చేయాలనుకుంటున్నారో ..

తెలుసుకోవాలి .. మెల్లిగా నసిగాడు యశ్వంత్ .

దీని సంగతి నాకోగ్గేయండి .. వీళ్ళ తాత మనకాడ లేకపోయినా గానీ ఇది మన మాటే ఆడుద్ది .. ఒక్క మంత్రం

చదివినాన్నంటే దీని మనసు ,శరీరం కూడా మన వశ మయిపోద్ది అంటున్నాడు ఒకడు .

ఇంకొకడు గట్టిగా నవ్వుతున్నాడు ..

వద్దు .. నా భర్త ని చంపారు .. ఆ ఆవేశం లో మిమ్మల్ని అడిగానంతే .. నన్నూ , తాతని ఒగ్గేయండి .. చిన్నోల్లం

మీదారి కి అడ్డు రామ్ .. అంటున్నదామే భయం నిండిన స్వరం తో .

రాములు కెంత పొగరొ .. నీకంత కన్నా ఉండాది ... వదిలితే నువ్వేం సేస్తావో నాకు తెల్దా ? ఆ పట్నమోల్లతో నీకు

స్నేహమేందే .. ఈరోజు ఉంటరు .. రేపు పోతరు .. కానీ భూపతి బాబు ఈ వూరికి రాజు .. ఆర్ని కాదని బతకాలను

కోవట మేందే ? అంటున్నాడు ఇంకొకడు .

యశ్ .. డెఫినిట్ గా మన అనుమానం నిజమే .. ఏం చేద్దాం  చెప్పు అన్నాడు ? మురారి ఆవేశం గా .

మురారీ .. ఒక్కసారి వాతావరణం గమనించు .. గాలి వేగం పెరుగుతోంది .. వీళ్ళకి దెయ్యామంటే భయం .. ఆ

బలహీనత తోనే వీళ్ళ పని పడదాం .. అన్నాడు యశ్వంత్ .

కానీ యశ్వంత్ .. ఆ వీరస్వామి ఉన్నాడు కదా వాడు భయ పడడు .. అన్నాడు శివ .

అసలు వీళ్ళందర్నీ మనం కిడ్నాప్ చేస్తే .. ఏం చేస్తారు వీళ్ళు ? అన్నాడు మురారి .

ఇంకా ఉంది












మీ అభిప్రాయం మాకు అతి విలువైనది