కులమొద్దు మతమొద్దు అంతస్తు చూడొద్దు

ఆ :ఓ క్షణం నిరాశ గా .. మరో క్షణం నీ శ్వాస గా ..

పదే పదే మనస్సుకే జవాబు చెబుతుండగా ..

అ :నా జగం నువ్వే కదా .. నా సగం నువ్వే కదా ..

పడే పదం నీ వైపుకే .. దూరాన్ని తరిమేందుకే ..

అ :నిరంతరం .. నిరీక్షణం .. కోరింది నీ వీక్షణం ..

ఆ :ఈ అంతరం .. తరం కాదు ఒక్కటి కావడం ........


అ :నీ మదిలో సందేహమే కమ్మితే .. ప్రేమ నే వెలుగు నే చూడలేవే మరి ..

ఆ :నా హృదే నిజాన్నే అన్వేషించితే .. ప్రేమయే అంబరమై కనబడదా మరి

అ: కులమంటూ మతమంటూ భేదాలు కనలేని ప్రేమే కదా ఓ చెలీ .....

ఆ :అధికులమంటూ .. వలదంటూ పరదాలు మూసేసే సంఘం ఇది .. తెలీదా అది

అ :నీకోసమై ఆ నింగి నొదిలి ఇల చేరునే జాబిలీ ..

నీ ప్రేమకై నా హద్దులే చెరిపేసి రానా చెలీ .. ......... ఓ క్షణం


ఆ :?నువ్వింతలా అడిగితె కాదనలేని అసహాయతా .. నువ్వింక నను చేరితే అవుననలేని దౌర్భాగ్యత ..

అ :నాలోన నిను వెతికితే తనువెల్లా ఉన్నావుగా .. మరి నీలోన నను వెతికితే నీ కన్నీట కరిగించావుగా ..

ఆ :గతమంతా చేదయినా విష జ్వాల పాలైనా .. గాయాల నయినా మాన్పేది ప్రేమా ..

అ :అవగత మైన నీ మది ని నా గుండె లో దాచి రక్షించుకోగలనే నమ్మకమే ప్రేమా ..

ఆ :అంతస్థు లెన్నైనా నింగిని తాకలేవంటు .. చాటింది ఈ ప్రేమ గెలుపే కదా

వద్దంటే పెరిగేది కాదంటే మరిగేది .. ఈ ప్రేమ తీరింతే ఓ ప్రియతమా ..

అ :నీ ప్రేమకై ఈ దిక్కుల్ని ఎదురించి రానా చెలీ 



కులమొద్దు మతమొద్దు అంతస్తు చూడొద్దు











మీ అభిప్రాయం మాకు అతి విలువైనది