Friday, 10 October 2014

రుధిర సౌధం 262


దీన్ని పై బురుజు కి కట్టండి .. దీపం గాలిలో తేలుతున్నట్టు కనబడాలి .. అన్నారు స్వామీజీ .

అలాగే స్వామీజీ .. అని భక్తి పూర్వకం గా అందుకున్నాడు యశ్వంత్ .

వినాయకుడ్ని ప్రార్థించి కట్టాలి .. ఎటువంటి విఘ్నాలు రాకూడదని ప్రార్థించాలి .. మరవకండి .. మీతో గోపాలం

వస్తాడు .. అని గోపాల స్వామి వైపు తిరిగి .. వీరితో పాటూ నువ్వు వెళ్ళు .. పని సక్రమం గా జరగనివ్వు .. అన్నారు

స్వామీజీ .

పదండి ..ఆలస్యం కాకుండా .. పని ముగించాలి .. అని పసుపు వినాయకుణ్ణి పట్టుకొని .. ముందుకి నడిచాడు

గోపాలస్వామి .

గోపాలస్వామి వెనకాలే .. నడిచారు యశ్వంత్ , మురారి , శివ .

మహల్ కి పక్కగా ఉన్న మెట్ల వైపు నడుస్తూ .. మహల్ ముందు పందిరిని అలంకరిస్తున్న రచన కేసి ఓసారి

చూశాడు .. పూలని అలంకరిస్తూ .. ఆ పూల మధ్య అరవిరిసిన మందారం లా ఉంది ఆమె ..

తను పూలని అలంకరిస్తూ బాలయ్య కి పనులు పురమాయిస్తుంది .. రచన .

నలుగు రూ .. మహల్ బురుజు పైకి చేరుకున్నారు ..

ఇప్పుడు ముందుగా వినాయక పూజ కానిద్దాం .. అన్నాడు  గోపాల స్వామి .

తాను తెచ్చిన పసుపు వినాయకుడి ని ఆకాశ దీపం ఉన్న బుట్ట లో పెట్టి పసుపు వినాయకుడిని గరికలతో

అర్చిస్తూ శుక్లాం బరధరం .. అంటూ చదవడం మొదలు పెట్టాడు గోపాల స్వామీ .

అదే సమయం లో కింద పెళ్లి పందిరి సిద్ధం చేస్తున్న రచన చెవులకి  అతిదీనం గా "అమ్మా .. ఆకలి " అన్న

మాటలు  వినబడ్డాయి .. ఒక్కసారిగా ఉలిక్కి పడి చుట్టూ చూసింది రచన .

దూరం గా గేటు బయట ఉన్న ముసలి అవ్వ మీద పడింది ఆమె ద్రుష్టి .

అరె .. ఈమె ఇంకా ఇక్కడే ఉంది .. అనుకొని .. బాలయ్య వైపు చూసి .. బాలయ్యా .. ఆ గేటు బయట ఉన్నామె

భోజనం చేయలేదా ? అని అడిగింది రచన .

రచన అడిగిన ప్రశ్న కి తల గోక్కున్నాడు బాలయ్య .. అదీ .. అమ్మాయి గారూ .. ఆమె కి భోజనానికి ఎంత పిలిచినా

రాలేదు .. అన్నాడు  బాలయ్య .

నిజం చెబుతున్నావా ? నువ్వు భోజనానికి పిలిచి ఉంటె ఆమె .. ఆకలని అడుగుతుందా ఇపుడు ? అని సూటిగా

ప్రశ్నించింది రచన అతడిని .

లేదు అమ్మాయి గారు .. నిజంగానే .. ఆమె ని నేను పిలిచాను .. మీతో నేను అబద్ధం చేబుతానా ? అన్నాడు

బాలయ్య .

బాలయ్య కళ్ళలో నిజాయితీ కనిపించింది రచన కి .

అయితే అప్పుడు ఆమె కి ఆకలి లేదేమో .. ఇప్పుడు ఆకలంటుంది బాలలయ్య .. వెళ్ళు ఆమె ని లోపలికి

పిల్చుకొని రా .. ఏమైనా పెట్టు .. మనింటి ముందు ఎవ్వరూ ఆకలి తో ఉండకూడదు .. అంది రచన .

ఆ ముసల్దానితో మా చెడ్డ చికాకైతది ధాత్రమ్మా .. అలా దీనం గా అడుగుతోందా ? నేను లోపలికి రా బువ్వెడతాను

అంటే .. మీరే స్వయంగా వచ్చి పిలిస్తే గానీ తిననంటది .. అన్నాడు బాలయ్య .

ఇంకా ఉంది


మీ అభిప్రాయం మాకు అతి విలువైనది

3 comments:

స్వర్ణమల్లిక said...

Radhika garu... Mee update kosam kallu kayalu kachelaa wait chestonna abhimaanini nenu unnanandee...

స్వర్ణమల్లిక said...

Radhika garu, I hope everything is fine with you. I'm little bit worried about it. Hope you will try to be in touch with your readers very soon.

Chiranjeevi Y said...

hello! wat happen