Friday, 6 February 2015

ప్రేమ కలవరం

 సతమతమవుతున్నా సతమతమవుతున్నా ..
పరిచయమవుతున్న ఈ వింత హాయిలో అలా ..
తడబడి పోతున్నా తడబడి పోతున్నా ..
ఎదురుగ నువ్వున్నా అడుగింక సాగదే ఎలా ?
నా ఊపిరి గమనిస్తున్నా .. ఉక్కిరిబిక్కిరి అవుతున్నా ..
ఈ ఒత్తిడి నీ వలెనే అనుకున్నా ..

హృదయం లో ఏమూలో భారం పెరిగిందేమో ..
ఉదయించే ప్రణయం వలనేమో ..
నయనం లో ఏదోలా నీ రూపే చిక్కిందేమో ..
స్వప్నం లా వెంటాడావేమో ..
ఇది ఎక్కడి అల్లరి చూపు ,,నను గిల్లే తుంటరి చూపు ..
తెలియకనే నే నువ్వవుతున్నా ..

ఇన్నాళ్ళు ఎరుగని దేదో తొలిగా తెలిసిందేమో ..
అనుభవమే కొత్తగా ఉందేమో ..
కొన్నాళ్ళుగా జరగనిదేదో మదికే మరి జరిగిందేమో
ఆ చిత్రం నవ్వుతూ చూస్తున్నానేమో ..
ఇది ఏమి అలజడో గానీ .. పరువం లో సందడి గానీ ..
నను నేనే మరచి పోతున్నా ...











ప్రేమికుల రోజు రాబోతున్నందుకు ప్రేమికులకి కానుక గా


మీ అభిప్రాయం మాకు అతి విలువైనది